Fyrirkomulag og hugmyndafræði
NÁMSKEIÐ
Tónlistargerð
Upptökur
Pródúsering
Í Tónhyl X er boðið upp á námskeið fyrir unga lagahöfunda.
Á námskeiðunum fá þátttakendur tækifæri til að læra grunnatriðin í lagasmíðum, upptökum og pródúseringu ásamt því að mynda tengsl við aðra lagahöfunda.
FYRIRKOMULAG
Námskeiðin eru hugsuð fyrir þau sem vilja læra meira í pródúseringum, upptökum og lagasmíðum.
Unnið er aðallega á forritin FL STUDIO og LOGIC PRO en þátttakendur þurfa ekki að koma með eigin tölvur heldur er allur búnaður á staðnum. Aðaláherslan er á popp- og rapptónlist.
Kennt er í stúdíóum Tónhyls X en þar eru fjögur fullbúin stúdíó með þeim forritum sem notuð verða í lagasmíðunum. Í lok námskeiðs er markmiðið að þátttakendur geti unnið sjálfstætt í stúdíóum og unnið í eigin tónlist.
HUGMYNDAFRÆÐI OG KENNSLA
Í Tónhyl er lögð mikil áhersla á að lagahöfundar geti unnið sjálfstætt, þróað sína eigin rödd og myndað tengsl við aðra. Á námskeiðum Tónhyls er ekki um mikla beina kennslu að ræða heldur er frekar lagt upp með að gefa þátttakendum ýmis verkfæri sem þeir geta notað við lagasmíðarnar.
Umsjón námskeiða er í höndum Núma Steins en hann hefur bæði mikla reynslu í að vinna með ungu fólki og tónlistargerð.
Þá er einnig mikið af atvinnutónlistarfólki að vinna í húsinu og tekur það einnig þátt í að styðja við Tónhyl X með gestainnkomum eða ráðgjöf.
Ef einhverjar spurningar vakna eða þú hefur einhverjar athugasemdir þá má endilega senda á tonhylurx@tonhylur.is
BAKHJARLAR
